​കൺവൻഷൻ രജിസ്ട്രേഷൻ അവസാനിച്ചു. കെ എച് എൻ എ ക്കു പുതു ചരിത്രം.

28-Apr-2017

കൺവൻഷൻ രജിസ്ട്രേഷൻ അവസാനിച്ചു. കെ എച് എൻ എ ക്കു പുതു ചരിത്രം.
:രഞ്ജിത്ത് നായർ

കൺവെൻഷന് രണ്ടു മാസം മുൻപേ രജിസ്ട്രേഷൻ പൂർത്തിയാക്കി കേരളാ ഹിന്ദുസ് ഓഫ് നോർത്ത് അമേരിക്ക പുതു ചരിത്രം എഴുതി. ഏപ്രിൽ 25 നു രജിസ്ട്രേഷൻ പൂർത്തിയായതായി സെക്രട്ടറി രാജേഷ് കുട്ടി അറിയിച്ചു. ഉയർന്ന നിരക്കിലുള്ള പാക്കേജിൽ മാത്രമാണ് വളരെ കുറച്ചു രജിസ്ട്രേഷൻ അവശേഷിക്കുന്നതെന്നു അദ്ദേഹം അറിയിച്ചു. ജൂലൈ 1 മുതൽ 4 വരെ ഡിട്രോയിറ്റിൽ നടക്കുന്ന ഗ്ലോബൽ കൺവെൻഷനു മുൻപില്ലാത്തവിധം ആവേശോജ്വലമായ പ്രതികരണം ആണ് അമേരിക്കയിലെ മലയാളീ ഹിന്ദു സമൂഹത്തിൽ നിന്ന് ലഭിച്ചത്. പ്രസിഡന്റ് ശ്രീ സുരേന്ദ്രൻ നായരുടെ നേതൃത്വത്തിൽ അമേരിക്കയിലെ വിവിധ നഗരങ്ങൾ കേന്ദ്രീകരിച്ചു സമാനതകളില്ലാത്ത പ്രവർത്തനം കാഴ്ച വയ്ക്കാൻ ഒരു ടീം എന്ന നിലയിൽ നടത്തിയ പ്രവർത്തനങ്ങൾ ഫലപ്രാപ്തിയിലേക്കെത്തുന്ന സൂചനയാണ് വളരെ നേരത്തെ അവസാനിച്ച രജിസ്ട്രേഷൻ. 1600 മുതൽ 1800 പേർ കൺവൻഷനിൽ പങ്കെടുക്കുമെന്നു കരുതപ്പെടുന്നു.

യുവ, സേവാ കമ്മിറ്റി, വിമൻസ് ഫോറം, ആത്മീയ വേദി, യൂത്ത് കമ്മിറ്റി, സ്കോളർഷിപ്പ് കമ്മിറ്റി തുടങ്ങി അനേകം കർമ്മ നിരതമായ സമിതികളുടെ മികച്ച പ്രവർത്തനങ്ങൾക്കു സാക്ഷ്യം വഹിച്ചത്  കെ എച് എൻ എ യുടെ കുതിപ്പിന് നിർണായകമായി. കൺവൻഷന്റെ വിജയത്തിനായി ഡിട്രോയിറ്റ് കേന്ദ്രീകരിച്ചു വിവിധ കമ്മിറ്റികൾ അഹോരാത്രം പ്രവർത്തിച്ചു വരുന്നു. കെ എച് എൻ എ യുടെ ചരിത്രത്തിലെ ഏറ്റവും വലിയ പ്രാതിനിധ്യം ഉറപ്പിച്ച കൺവെൻഷനിൽ കേരളീയ സാംസ്കാരിക തനിമ വിളിച്ചോതുന്ന കേരളത്തിലെ പ്രമുഖ കലാകാരന്മാർ അണിനിരക്കുന്ന ക്ഷേത്ര കലകൾ ഉൾ പ്പടെ നിരവധി പരിപാടികൾ ആണ് ആസൂത്രണം ചെയ്യപ്പെടുന്നത്. ആത്മീയ രാഷ്ട്രീയ സാഹിത്യ സിനിമാ മേഖലകളിലെ പ്രശസ്ത വ്യക്തികൾ ചടങ്ങിനെത്തും.



 


Take up one idea. Make that one idea your life - think of it, dream of it, live on that idea. Let the brain, muscles, nerves, every part of your body, be full of that idea, and just leave every other idea alone. This is the way to success

Swami Vivekananda | Indian Hindu monk and chief disciple